Ինչպե՞ս ճիշտ պատրաստել հատակը լամինատի տեղադրումից առաջ, որպեսզի խուսափենք խնդիրներից ու ժամանակի ընթացքում լամինատի ճոճից։

ՓՈՒԼ 1

    Պատրաստում ենք մակերեսը

    Այստեղ գլխավոր սկզբունքը իդեալական հարթ և մաքուր մակերեսն է։ Առավելագույն թույլատրելի շեղումը 2 քմ հաշվով կարող է լինել 2-3 մմ թեքությունը։ Հակառակ դեպքում ծանրության ներգործությունը կսկսի առաջացնել ճոճ։

    Եթե հատակը փայտային է, հարթեցնում ենք հղկման սարքի միջոցով։

    Իսկ եթե բետոնային է, հարթեցնում ենք լրացուցիչ շերտի միջոցով։

    Լամինատը կարելի է տեղադրել նույնիսկ լինոլեումի կամ սալիկի վրա։ Այս դեպքում նույնպես պետք է վերացնենք թեկուզ փոքրիկ թվացող անհարթություններն ու անցնենք գրագետ իզոլացման։

ՓՈՒԼ 2

    Իզոլացնում ենք մակերեսը

    Մեկուսիչ շերտի շնորհիվ խուսափում ենք ջերմային տատանումներից, խոնավության թափանցումից և փոքրիկ անհարթություններից։

     Մեկուսիչ շերտերը լինում են տարբեր։

    Խցանահիմքով մեկուսիչ շերտը իդեալական է ննջասենյակի համար, բայց ունի ցածր խոնավադիմացկունություն։

    Պոլիպրոպիլենային փրփուրը վերացնում է անհարթությունը, բայց չի դիմանում ծանրությանը։

    Փայլաթիթեղի հիմքը ապահովում է բարձր ջերմամեկուսացում։

    Պոլիէթիլենային մեկուսիչը պաշտպանում է խոնավությունից, իսկ ընդլայնված պոլիստիրոլը կարող է դիմանալ և՛ խոնավությանը, և՛ ծանրությանը։

    Կարևոր է ընդգծել, որ ցանկալի է մեկուսիչ շերտը չգերազանցի 5 մմ հաստությունը։ Հակառակ դեպքում ժամանակի ընթացքում չենք խուսափի ճոճի խնդրից։

ՓՈՒԼ 3

Մակերեսը հարթ է, մեկուսացումն՝ արված։

    Կա ևս մեկ նյուանս. նոր գնած լամինատը տեղադրելուց առաջ առնվազն 48 ժամ պահում ենք սենյակում, որպեսզի այն հարմարվի ջերմաստիճանին և տեղադրելուց հետո չենթարկվի ջերմային տատանումներին։

     Շարունակե՛ք հետևել մասնագիտական խորհուրդներին ու հեշտացրե'ք վերանորոգումը Նոր Տան հետ։